கடலூர்: மங்களூரில் உள்ள டாஸ்மாக் கடை விற்பனையாளர், திமுகவினர் கோரும் மாமூலை வழங்க மறுத்ததாக கூறப்படுகிறது. அதனால், அந்தக் கடை மூடப்பட்டு 6 நாட்களான ஆன நிலையில், அதைத் திறக்கக் கோரி மது பாட்டில் வாடிக்கையாளர்கள் இன்று ஆர்ப்பாட்டத்தில் ஈடுபட்டனர்.
கடலூர் மாவட்டம் வேப்பூரை அடுத்த மங்களூரில் டாஸ்மாக் செயல்பட்டு வருகிறது. இந்த டாஸ்மாக்கில் விற்பனையாளர் ரமேஷ். இவர் திமுகவைச் சேர்ந்தவர் எனக் கூறப்படுகிறுது. இந்த நிலையில், விற்பனையாளர் ரமேஷிடம், அதே பகுதியில் பார் நடத்திவரும் திமுகவினர் சிலர் சென்று விற்பனை அடிப்படையில், தினந்தோறும் ஒரு குறிப்பிட்ட தொகையை கமிஷனாக தர வேண்டுமென கட்டாயப்படுத்துவதாகவும், தான் கூடுதல் விலைக்கு மது பாட்டில்களை விற்பனை செய்யாததால் தன்னால் தர இயலாது என ரமேஷ் மறுத்ததாகக் கூறப்படுகிறது.
திமுகவினருக்கு மாமூல் கொடுக்க மறுத்ததால் மூடப்பட்ட டாஸ்மாக் கடையை திறக்க கோரி மது வாடிக்கையாளர்கள் ஆர்ப்பாட்டம்
Author: ந.முருகவேல்
